يانبض القلب
ولو عشقوا الأحبة سنين
ولو عاشوا سنين وسنين
مايقدروا يوصلوا لحبي
ولا لعشقي اللي
ماله مثيل
أنا العاشق ياروح الروح
وانا اللي ف بعدك
كما المدبوح
بيتعلق بأنفاسك
وأنفاسي حلاوة روح
وبابقى معاكِ
وأنا نفسي أقول وأبوح
وأتنفس أنا هواكِ
نسيم بيلوح
ونتقاسم سوى هواكِ
ولو عمري معاكِ يروح
وبنسى الكون وأنا معاكِ
ووعيي يروح
وكأنك آخدة دقاتي
ونبض القلب ويا الروح
وبفرح لما بلاقيكِ
تبصيلي بنظرة تداوي
كل جروح
وأقول حلمي
اللي كان ضايع
بقى مسموح
هعيشه كله وياكِ
يانبض القلب ويا الروح
بقلم الشاعر فهمى محمود حجازى
